Kiam venos printempo?

Ankaŭ ĉi tie en Germanio neĝadas... kaj mi ne ŝatas tion.

Ĉiam, kiam oni pensas, ke nun povus iĝi iom pli varma vetero, denove ekneĝas.

Aldone mi pensas ĉar pasintjare la somero preskaŭ ne ĉeestis, ke la vintro tial ne havas la rajton ĉeesti tiom longe. ;)

Nu, proksime al mi, en vilaĝo kie loĝas onklino mia, pasintsemajnfine la temperaturo atingis 20 gradojn - sed minuse.

Varmon do mi deziras kaj al Germanio kaj al Kanado. :-)

Ankaux che mi negxas cxi matene. Tio pensigas min pri unu jaro kiam estis varma la 16a de marto, sed poste negxis iom en majo. :)

Almenaŭ maja neĝo rapide malaperas! Mi scivolas, kiel longe la nun falanta neĝo restos sur la tero. :-)

Mi esperas ke gxi restos suficxe longe por ke mi povu ankoraux skii.

Neĝo dancas en la stratoj

Maja neĝo? Mi ne memoras, ke mi iam aŭdis pri io tia en Germanio! Sed ĝis aprilo neĝo ne mirigas min, kvankam dum la pasintaj 15 jaroj apenaŭ neĝis en mia regiono (en 2004 kaj 2005 estis evidente denove malvarmaj vintroj). Aliflanke, iom kurioze, mi bedaŭrinde lernis dum la pasintaj jaroj kiel partoprenanto de la IJF, ke en la nordo de Italio neĝo dum pasko estas nenio eksterordinara.

Wouter Pilger skribas en sia Grizula Blogo pri la neĝomanko en Nederlando kaj miras, ke samtempe oni raportas la malon el aliaj landoj en Eŭropo (2005-02-24, "Kvazaŭ-neĝo"). Tamen tio ne tute ĝustas; ekzemple en Munkeno ja neĝo falis amase (vidu kion skribis karulin), dum ĉi tie en la nordokcidento, proksime de Nederlando, foje falis neĝo, sed ne longe restis.

Alia penso, kiu ĵus venis al mia kapo: Ni prefere ne rakontu al niaj neesperantistaj amikoj pri tiuj ĉi enskriboj kaj komentoj. Evidente estus ne tre alloga varbado por Esperanto, mencii ke oni lernis lingvon por komuniki kun homoj el la tuta mondo, nur por babili pri la vetero... ; p

Mi tre feliĉas ke mi loĝas en suda regiono kie preskaŭ neniam neĝas... Kaj ĉi-jare ni eĉ evitis la februaran neĝon, kiu kurioze aperis en 2004 kaj 2003.

Nagxis ankaux en Fujxisauz, japanio

Mi trovis vian blogon postirante al ligaro de "frankeniru".
En Fujxisauxa, 50km okidente de TOKIO, japanio, hieraux tage nagxis iomete, kaj tuj poste nagxo malaperis.
Volu viziti mian blogon, kiun mi komencis antaux 3 tagoj, kaj komenton vian mi petas. Mia blog estas cxe http://neperio.cocolog-nifty.com/neperio/

2005/03/14 Neperio el Fujxisaua, japanio.

Eraroj!

"Negxis" en "Fujxisauxa" estas korekta! En malvarmo oni ne povas nagxi! kvankam Fujxisauxa frontas maro.

2005/03/14 2a Neperio